«Quant aux autres Indiens qui sont sous la domination du Roy d'Espaigne, s'il n'y donnoit ordre, ils seroient en aussy barbare creance comme les autres. Au commencement de ses conquestes, il auoit establi l'inquiíltion entre eux, & les rendoit esclaues ou faisoit cruellement mourir en fy grand nombre, que le recit seulement en faict pityé. Ce mauuais traittement eítoit cause que les pauures Indiens, pour la prehension d'iceluy, s'enfuioient aux montaignes comme desesperés, & d'autant d'Espaignols qu'ils attrapoient, ils les mangeoient ; & pour ceste occaíion lesdicts Espaignols furent contraints leur oster ladicte inquisition, & leur donner liberté de leur personne, leur donnant vne reigle de viure plus doulce & tolerable, pour les faire venir à la cognoissance de Dieu & la creance de la saincte Eglise : car s'ils les vouloient encor chatier selon la rigeur de ladicte inquiíition, ils les feroient tous mourir par le feu. »

Tiré du BRIEF DISCOVRS DES CHOSES PLVS REMARQVABLES QVE SAMMVEL CHAMPLAIN DE BROVAGE A reconneues aux Indes Occidentalles